Keçmiş müdirin heç yerdə eşitmədiyiniz İLGİNC SƏS YAZISI … – VİDEO
![Keçmiş müdirin heç yerdə eşitmədiyiniz İLGİNC SƏS YAZISI … – VİDEO](https://huquqaz.com/wp-content/uploads/2024/07/1720163365_nazvaniya.jpg)
Səs yazısı yayılan bağça müdiri barəsində araşdırmalarımız davam edir.
“DogruXeber.az” bildirir ki, Xırdalan şəhər 17 saylı körpələr evi – uşaq bağçasının keçmiş müdiri Fəranə Məhərrəmovanın barəsində ilginc məlumatlar əldə etmişik.
Xatırlayırsınızsa, hazırda Digah qəsəbəsində yerləşən 6 saylı uşaq bağçasında müdür işləyən Fəranə Məhərrəmovanın özünə yaxın olmayan işçiləri sıxışdırdığını, onlara süni problemlər yaradaraq, işdən getmək qərarı verənə qədər sözün əsl mənasında bezdirildiyi, hətta bu üsulla təsərrüfat müdiri Leyla xanımı işdən çıxmağa vadar etdiyi barəsində ötən yazılarımızda, eləcə də “Kanal14“də canlı yayımlanan “Kamalın zamanı” proqramında bəhs etmişdik.
Baxça müdirinin etirafları – SƏRVƏTLƏRİNİ sayır // VİDEO
Səs yazısı yayılan bağça müdürü barəsində daha bir şikayət – VİDEO
Eyni zamanda, bu barədə canlı efirdə zəng edərək, Fəranə Məhərrəmovanın mövqeyini də dinləmişdik. Özünü “aydan arı, sudan duru” çıxarmağa çalışan bu xanım daxili nəzarətin onun işində “iynənin ucu qədər” nöqsan tapa bilmədiyini demişdi. Amma, Xırdalan şəhər 17 saylı uşaq bağçasının da, Digah qəsəbəsi 6 saylı uşaq bağçasının da keçmiş müdirləri Günay Hacıyeva və Arzu xanımın barəsində sərt ittihamlar irəli sürmüşdü.
Qeyd edək ki, Fəranə Məhərrəmovanın sözügedən bağçada iki il müdür işlədiyi müddətdə özünə iki ev, bahalı avtomobil, Saray qəsəbəsində 17 sot torpaq sahəsi aldığını iddia etdiyi Günay Hacıyevanın da onun kimi sadəcə yeri dəyişdirilərək, Novxanı qəsəbəsindəki bağçalardan birinə müdür təyin olunması barəsində məlumat almışıq.
Həmçinin, əvvəllər Günay Hacıyeva ilə çox yaxın rəfiqə olduğu deyilən Fəranə Məhərrəmovanın yaxın qohumunun yüksək vəzifədə – dövlət qulluğunda çalışdığı və məhz onun Fəranə xanımı qanunlardan “mühafizə etdiyi” barəsində bəzi məlumatlar, eləcə də xanımın başqa səs yazılarını da əldə etmişik.
Hansı ki, həmin səs yazılarından birində Fəranə Məhərrəmova bağçada “fond pulu” yığılması və öz hesablarına görüləcək işlər barədə bəzi məsul şəxslərin də məlumatlı olduğunu deyir.
Yeri gəlmişkən, Fərana Məhərrəmovanın qızlarının adına olan özəl uşaq bağçaları və səs yazısı yayılan kimi sirli şəkildə yoxa çıxan, xaricdən üç aya sifarişlə gətizdirilən həmin “Mersedes GL” markalı avtomobili barəsində də ilginc məlumatlar əldə etmişik. Halbuki, Fəranə xanım canlı yayımda bütün bunları Günay Hacıyevanın barəsində dediyini və səs yazısının kəsilib, montaj edilib onun özü barəsində danışırmış kimi təqdim edildiyini iddia edirdi.
Bütün vurğuladığımız məlumatlar barəsində daha ətraflı açıqlamaları və qeyd etdiyimiz səs yazılarını növbəti yazımızda təqdim edəcəyik.
Diqqətiniz bizdə olsun !
Mövzunu davam etdirəcəyik.
DogruXeber.az
Şərh yazılmayıb.