“Qorqud” Vikipediya Metodik Klubun tərəfdaşlığı ilə reallaşdırılan “Viki-mən” layihəsi başa çatıb

Qanunla.Az xəbər verir ki,Milli Məclisin deputatı Elnur Allahverdiyevin açıqlamasında bildirib ki,”Böyük Qayıdış” Gənclər Təşkilatı tərəfindən “Qorqud” Vikipediya Metodik Klubun tərəfdaşlığı ilə reallaşdırılan “Viki-mən” layihəsi başa çatıb. AMEA-nın Mərkəzi Elmi Kitabxanasında keçirilən mərasimdə uğurlu iştirakına, Azərbaycan və xarici dillərdə yeni məqalələr yaratdığına görə 10 nəfər gəncimiz “Qorqud”un diplomları və “Böyük Qayıdış”ın sertifikatları ilə təltif edilib. Tədbirin təşkil edilməsində göstərdikləri dəstək və köməyə görə AMEA-nın Mərkəzi Elmi Kitabxanasının direktoru Məmməd Əliyevə, Yeni Azərbaycan Partiyası Yasamal Rayon Təşkilatının sədri Bəxtiyar Nəbiyevə və “Böyük Qayıdış” Gənclər Təşkilatının icraçı direktoru Nail Şükürova təşəkkürümü bildirirəm. İş cədvəlimin sıxlığı səbəbi ilə tədbirdə iştirak edə bilmədiyimdən məni köməkçim Rüstəm Qaraxanlı təmsil edib. Ancaq gənclərimizə böyük və maraqlı görüş söz vermişəm. Görüşü bu yaxınlarda birlikdə reallaşdıracağıq.