Zərdab rayonunda “Yeni ilə yeniliklərlə” adlı musiqili konsert proqramı keçirildi-FOTO

31 dekabr Dünya Azərbaycanlılarının Həmrəyliyi günü münasibəti ilə Zərdab Rayon Gənclər və İdman idarəsinin və Zərdab Gənclər evi SXM-nin birgə təşkilatçılığı ilə dekabrın 25-də “Yeni ilə yeniliklərlə” adlı musiqili konsert proqramı və il ərzində nəticələri ilə fərqlənmiş idmançılar və onların məşqçi müəllimləri ilə görüş keçirildi.

Qanunla.Az xəbər verir ki,ilk öncə Dövlət Gənclər Siyasətinin banisi Ümummilli lider Heydər Əliyevin və ölkəmizin ərazi bütövlüyü uğrunda canlarını fəda etmiş Şəhidlərimizin əziz xatirələri bir dəqiqəlik sükutla yad olundu.

Tədbirdə Zərdab Rayon Gənclər və İdman idarəsinin rəisi Ələkbər Kərimov çıxış edərək 2022-ci il ərzində idarə tərəfindən gənclərlə iş və idman sahəsində həyata keçirilmiş tədbirlər barədə məlumatları diqqətə çatdırdı, daha sonra nəticələrinə görə fərqlənmiş gənclər, idmançılar və onların məşqçi müəllimləri mükafatlandırıldı.

Daha sonra çıxış edən Zərdab Gənclər evi SXM-nin direktoru Jalə Kərimli müəssisənin fəaliyyətindən və qarşdakı planlardan bəhs etdi.

Musiqili konsert proqramında Zərdab Gənclər evi SXM-nin əməkdaşları və könüllüləri tərəfindən əyləncəli və maraqlı oyunlar təşkil edildi, müxtəlif rəqs nümunələri, musiqi nömrələri, ifalar, Azərbaycan filmlərindən səhnələr nümayiş olundu,tədbirdə iştirak edən şəhid ailələrinin və müharibə iştirakçılarının övladlarına, eyni zamanda uşaq, yeniyetmə və gənclərə yeni il hədiyyələri təqdim olundu.