Qərbi Azərbaycan İcmasının Sumqayıt şəhər Qadınlar Şurasının təşkilatçılığı ilə tədbir keçiridi – FOTO

“DogruXeber.az” xəbər verir ki, Qərbi Azərbaycan İcmasının Sumqayıt şəhər Qadınlar Şurasının təşkilatçılığı ilə tədbir keçirilib

Qərbi Azərbaycan İcmasının Sumqayıt şəhər Qadınlar Şurasının təşkilatçılığı, Sumqayıt şəhər İcra Hakimiyyəti, Abşeron-Xızı Regional Təhsil İdarəsi və Qərbi Azərbaycan İcmasının Sumqayıt şəhər təşkilatının dəstəyi ilə 03.06.2024-cü il tarixdə Sumqayıt şəhər Dram Teatrında “Dönəcəyəm O Yurda!”-adlı bədii tədbir keçirilib.

Tədbiri giriş sözü ilə açan Qərbi Azərbaycan İcmasının Sumqayıt şəhər Qadınlar Şurasının sədri İlhamə Abdullayeva tədbirdə iştirak edən şəhər ictimaiyyətini, millət vəkillərini, təşkilatın üzvlərini salamlayaraq bildirib ki, Qadınlar Şurasının üzvləri, eləcə də Qərbi Azərbaycandan olan bütün ziyalı qadınlar öz işlərinin icrasında qarşılarında duran tapşırıqlara böyük məsuliyyətlə yanaşırlar. Vətən Müharibəsində olduğu kimi, tezliklə Qərbi Azərbaycana qayıdış yolunda da xalqımızın həmişə Prezident İlham Əliyevin yanında olacağı, dövlətimizin başçısının verdiyi tapşırıqların lazımınca yerinə yetiriləcəyindən bəhs edib.

Daha sonra çıxış edən Qərbi Azərbaycan İcması Müşahidə Şurasının sədri Misir Mərdanov icmanın uğurlu fəaliyyəti və bu istiqamətdə aparılan işlər barədə icma üzvlərini məlumatlandırıb.
Ulu Öndər Heydər Əliyevin memarı olduğu müasir Azərbaycan Respublikasının uğurlu və ardıcıl addımları, prezident İlham Əliyevin əvəzolunmaz siyasətinin ölkəmizin inkişafını gündən-günə daha da gücləndirməsi barədə bildirib.

Daha sonra çıxış edən Sumqayıt şəhər İcra Hakimiyyətinin birinci müavini Teymur Səmədov Qərbi Azərbaycan İcmasının Sumqayıt şəhər təşkilatının fəaliyyəti və uğurları barədə danışıb.
Təşkilatın fəaliyyətə başladığı dövrdən bir sıra önəmli tədbir və layihələr həyata keçirdiyini bildirən T.Səmədov bunun həm də şəhər ictimaiyyətinin böyük maraq və dəstəyinə səbəb olduğunu bildirib.