İdmanMANŞETÜSTÜ

İlham Əliyev yarışlarını izlədi: cüdoçumuz dünya ikincisi oldu

İlham Əliyev yarışlarını izlədi: cüdoçumuz dünya ikincisi oldu

 

Sentyabrın 26-da Bakıda keçirilən cüdo üzrə dünya çempionatında Azərbaycan idmançısı Uşanqi Kokauri finala yüksəlib.

Fakttv.com axar.az-a istinadən xəbər verir ki, Azərbaycan Respublikasının Prezidenti İlham Əliyev və ailə üzvləri, Monqolustan Prezidenti Xaltmaaqiyn Battulqa və Beynəlxalq Cüdo Federasiyasının prezidenti Marius Vizer Milli Gimnastika Arenasında dünya çempionatının yarımfinalına baxıblar.

Yüz kiloqramdan yuxarı çəki dərəcəsində mübarizə aparan Uşanqi Kokauri yarımfinalda Özbəkistan idmançısı Bekmurod Oltıboevə qalib gələrək finala yüksəlib. Həlledici görüşdə cüdoçumuz gürcüstanlı Quram Tuşişvili ilə qarşılaşacaq.

Qeyd edək ki, 2016-cı ildə Avropa kubokunun qalibi olan Uşanqi Kokauri həmin il Kazanda keçirilən Avropa çempionatının bürünc medalını qazanıb.

***

Cüdoçumuz Uşanqi Kokauri dünya çempionatının gümüş medalını qazanıb. Həlledici görüşdə Gürcüstan idmançısı Quram Tuşişviliyə məğlub olan Uşanqi Kokauri dünya çempionatını ikinci pillədə başa vurub

Fakttv.com

 

Comment here