ManşetMANŞETÜSTÜ

Abituriyentlərə şad xəbər: pulsuz sınaq imtahanı

Abituriyentlərə şad xəbər: pulsuz sınaq imtahanı

Abituriyentlərə şad xəbər: pulsuz sınaq imtahanı

Ödənişsiz onlayn sınaq imtahanı keçiriləcək. Bununla bağlı Avropa.info-ya Dövlət İmtahan Mərkəzindən bildirilib. Məlumata əsasən abituriyentlərə kömək məqsədilə “Abituriyent” jurnalının 1-ci sayında dərc edilmiş test tapşırığı nümunələrindən ibarət ödənişsiz onlayn sınaq imtahanları təşkil olunacaq.

2018-ci il “Abituriyent” jurnalının 1-ci sayında dərc edilmiş və ali təhsil müəssisələrinin qəbul imtahanı modelinə uyğun test tapşırığı nümunələrindən ibarət ödənişsiz onlayn sınaq imtahanlarına abituriyentlər rahat şəkildə yazıla və onlara uyğun günün istənilən vaxtında daxil olub biliklərini yoxlaya bilərlər.

Abituriyentlər sınaq imtahanında iştirak etmək üçün

 http://otk.az portalına daxil olub qeydiyyatdan keçməlidirlər. Daha sonra abituriyentlər istədikləri ixtisas qrupunu seçib imtahana yazıla bilərlər.

Qeyd edək ki, onlayn sınaq imtahanlarında istifadə olan test tapşırıqlarının modeli builki qəbul imtahanlarına tam uyğundur.

Abituriyentlərə onlayn imtahan başa çatan kimi imtahan nəticələrini əldə etmək, yenidən test tapşırıqlarına baxmaq, onları təhlil etmək, öz cavabları ilə düzgün cavabları müqayisə etmək imkanı yaradılır.

Comment here